దేవశిఖామణి

దేవశిఖామణి దివిజులు వొగడగ వేవేలు గతుల వెలసీ వాడే

వీధుల వీధుల వెసతురగముపై భేదిల బల్లెము బిరబిర దిప్పుచు
మోదము తోడుత మోహన మూరితి ఏ దెస జూచిన నేగీ వాడే

కన్నులు దిప్పుచు కర్ణములు కదల సన్నల రాగెకు చౌకళింపుచును
అన్నిటా తేజియాడగ దేవుడు తిన్నగ వాగేలు తిప్పీవాడే

వలగొని దిరుగుచు వాలము విసరుచు నిలిచి గుఱ్ఱమటు నేర్పులు చూపగ
బలు శ్రీ వేంకటపతి అహోబలపు పొలమున సారెకు పొదలీవాడే