తెలియదెవ్వరికిని

తెలియదెవ్వరికిని దేవ దేవేశ యీ నెలత భావంబెల్ల నీవెఱుగు దికనూ

నిలుచు దలయూచు గన్నీరు వాలిక గోళ్ళ జినుకు నివ్వెఱగుపడు జింతించును
పులకించు నలయు దలపోయు నిను జిత్తమున నిలుపు నంగన విధము నీ వెఱుగు దికను

కమలంబు చెక్కుతో గదియించు నెన్నుదుట చెమట బయ్యెద దుడుచు సెలవి నగును
తమకంపు గోరికలు తరుణి యిదె నిను బాసి నిమిష మోర్వగలేదు నీవెఱుగు దికను

వెక్కసపు నును దురుము వెడవ దలనేరదు చిక్కుదేరగ గొంత సిగ్గు వడును
ఇక్కువల దిరువేంకటేశ నిను గూడె నిదె నిక్క మీచెలి వగల నీ వెఱుగ దికనూ