చెలులాల యీమేలు

చెలులాల యీమేలు చెలువుడే చూచుగాని యెలమి తోడుత మొక్కి యెరిగించరే

వనిత జవ్వనపు వసంతకాలములోనే వెనుకొని విరహపు వేసవి మించె
ననిచె బెంజెమట వానకాలము నంతలోనె వినయముతో బతికి విన్నవించరే

కాంత పులకల శరత్కాలము నదె తోచె చింతల మంచులతో హేమంతము ముంచె
చెంత గోర్కులెన్నులెత్తి శిశిరవేళ యేతెంచె యింతకు నీకె విభుని దోడి తేరె

చెలియకు గొప్పువీడె చీటికాలము నందె నెలకొన సిగ్గుల వెన్నెలకాలము
అలమె శ్రీవేంకటేశుడంతలోనె తానెవచ్చె పిలిచి సారెకునిట్టె ప్రేమరేచరే