ఘనమనోరాజ్యసంగతి

ఘనమనోరాజ్యసంగతి చెలగినగాని జనులకెప్పుడు నాత్మ సౌఖ్యంబు లేదు

ప్రతిలేని ధైర్యంబు పదిలపరచినగాని మతిలొనిపగవారిమద మణపరాదు
మితిలేనినిశాంతమను మేటికైదువగాని కృతకంబువిషయముల గేలుపెరుగరాదు

సొరిది నిర్మొహమనుజోడు దొడిగినగాని వెరపుడిగి మమతచే వెళ్ళబడరాదు
యిరవై నవిజ్ఞానపింట నుండినగాని అరసి జగమెల్ల తానై యేలరాదు

యిన్నియును దిరువేంకటేశు డిచ్చినగాని తన్నుదానెరిగి యాతని గొలువరాదు
కన్నులను వెలి లోను గలయజూచినగాని సన్నంబు ఘనమనెడిజాడ గనరాదు