చెలి నేడు

చెలి నేడు తా నేమి సేయునమ్మ 
చెలియేమి సేయు నీచెలు లేమి సేయుదురు చెలువైన విభునిమేనిచెలు వింత సేయగా

సతి నేడు బంగారుచవికెలో జిత్రంపు గతులెంత చూపిన గడకంట జూడదు
ఆతనిజూచిన మంచియబ్బురపు జూపులు ఆతనివెంటనే పోయ నటుగాబోలు

తేనియలూరేటి మంచితియ్యని మాటలు మంత్ర గానములుగా వినుపించి కడువేసరితిమి
వానిమాటలు విన్నవలనై నముదమున వీనులు ముద్రించినవిధముగాబోలును

నిచ్చళపుమోమున నెయ్యము దయలువారె బచ్చనచేతలు గుబ్బలిపై నిండనొప్పెను
అచ్చపువేడుక వేంకటాద్రీశు డీరేయి నెచ్చలికి నిచ్చినట్టినేరుపు గాబోలును