తీపనుచు చేదు

తీపనుచు చేదు తెగదని వెనక బడరాని ఆపదలచేత బొరలాడేము గాన

అప్పుదీరినదాకా నలవోకకైనవా రెప్పుడును దనవార లేలౌదురు
అప్పటప్పటికి బ్రియ మనుభవింపుచు మమత చెప్పినటువలె దాము సేయవలెగాక

పొందైన వారమని పొద్దు వోకకు దిరుగు యిందరును దమవార లేలౌదురు
కందువగు తమకార్యగతులు దీరినదాక సందడింపుచు బ్రియము జరపవలెగాక

తెగనికర్మము దమ్ము దిప్పుకొని తిరిగాడ అగడుకోరిచి పెక్కులాడ నేమిటికి
తగువేంకటేశ్వరుని దలచియిన్నిటా దాము విగతభయులయి భ్రాంతి విడువవలె గాక