తుద సమస్తమును

తుద సమస్తమును దుర్లభమే అదె సులభుడు మాహరి యొకడే

సురలును నరులును సొంపగుసిరులను వొరసిన నిన్నియు నుపాధులే
నిరుపాధికుడును నిజకరుణావిధి అరయగ నిదె మాహరి యొకడే

అందరియీవులు నఖిలకర్మములు అందగరానిప్రయాసములే
యిందిరారమణి నేచినసేవిది చెందరు సుజనులు చెప్పంగలదే

యితరోపాయము లేవి చూచిన శ్రుతివిరహితములు శూన్యములే
రతి శ్రీవేంకటరమణునిమతి యిది హితపరిపూర్ణం బిది యొకట