కొలువరో మొక్కరో కోరిన వరము లిచ్చీ సులభు డిన్నిటాను వీడె సుగ్రీవ నరహరి
కంబములోన పుట్టి కనకదైత్యుని కొట్టి అంబరపు దేవతలకు అభయమిచ్చి
పంబి సిరిదన తొడపై బెట్టుక మాటలాడి అంబుజాక్షుడైనట్టి ఆదిమ నరహరి
నానా భూషణములు ఉన్నతి తోడ నిడుకొని పూనికతో ప్రహ్లాదుని బుజ్జగించి
మానవులకెల్లను మన్నన చాలా నొసగి ఆనందముతో నున్నాడు అదిగో నరహరి
మిక్కిలి ప్రతాపముతో మించిన కాంతులతోడ అక్కజపు మహిమల నలరుచును
తక్కక శ్రీవేంకటాద్రి తావుకొని వరాలిచ్చీ చక్కదనములకెల్లా చక్కని నరహరి
No comments:
Post a Comment