దైవమా పరదైవమా

దైవమా పరదైవమా యేవగింతలు నాకు నెట్టు దెచ్చేవో

పాపకర్ముని దెచ్చి పరమియ్యదలచిన మేపులకే పోక మెయికొనీనా
తీపులు రూపులు దివిరి నావెనువెంట నేపొద్దు నీవేడ దెచ్చేవో

అధమాధముని దెచ్చి యధికుని జేసేనంటే విధినిషేధములు వివరించునా
నిధినిధానములు నిచ్చనిచ్చలు బెక్కు విధముల నెటువలె వెదచల్లెదవో

అతికష్టుడగునాకు నలవిగానియీ మత మొసగిన నేను మరిగేనా
ప్రతిలేని వేంకటపతి నీదునామా మృత మిచ్చి నను నీవే మెరయింతుగాక