లోకపు నీ చేతలకు

లోకపు నీ చేతలకు లోనేకాదా నీకు మారుకొని యుండ నేరుపా నాకు

వుడివోని జవ్వనము వొడిగట్టుకొని నీతో పడిబెట్టి యలుగగ సంగతే నాకు
చిడిముడి కోరికలు చిత్తములో నుండగాను తడిసి నిన్ను బాయగ తగునా నాకు

వుప్పతిల్లు జన్నులు వురమున మోచుకొని చిప్పిలనీ నేరాలెంచ జెల్లునా నాకు
ముప్పిరి మొగమోటలు మోముమీద నుండగాను అప్పుడే నిన్నణకించ ననువా నాకు

నించుకొన్న జవ్వనము నిలువున బెట్టుకొని చండసేసి పెనగగ సరవే నాకు
అండనే శ్రీవేంకటేశ అంతలో నన్నేలితివి అందుకాచి దూరదగ నవునా నాకు