పోరాక పోయి

పోరాక పోయి తలపుననున్నదైవంబు జేరనొల్లక పరుల జేరదిరిగెదము

వడిబారుపెనుమృగము వలలలోపల దగులు వడి వెడల గతిలేక వడకుచున్నట్లు
చెడనికర్మములులలో జిక్కి భవములబాధ బడియెదముగాక యేపనికి దిరిగెదము

నీరులోపలిమీను నిగిడి యామిషముకై కోరి గాలము మ్రింగి కూలబడినట్లు
జారిపోయిననేల సంసారసౌఖ్యవి కారంపుమోహముల గట్టువడియెదము

శ్రీవేంకటేశు నాశ్రితలోకరక్షకుని భావింప దేవతాపతియైనవాని
సేవించుభావంబు చిత్తమెడబడక నే మీవలావలిపనుల నిట్ల దిరిగెదము