పోరొ పోరొ

పోరొ పోరొ యమ్మలార బొమ్మలాటవారము యీరసాన మమ్ము నిట్టే యేమిసేసేరు

ఊరులేనిపొలమేర వొడలుమోచుకొని నేము తేరదేహ మెక్కుకొని తిరిగేము
వారువీరనుచు వట్టివావులు సేసుక లేని పేరుపెట్టుకొని లోలో బిరువీకులయ్యేము

బుద్ధిలేనిబుద్ధితోడ పొందుసేసుకొని వట్టి యెద్దుబండికంటిసంది నీగేము
నిద్దురలో తెలివంటూ నీడలోని యెండంటా వుద్దువుద్దులై లేనివొద్దిక నున్నారము

మాటులేనిమాటు దెచ్చి మరుగవెట్టుక వట్టి మేటానమేట్లవలె మెరసేము
గాటమైనతిరువేంకటగిరినిలయుని నాటకమే నిజమని నమ్మిక నున్నారము