భావించి నేరనైతి

భావించి నేరనైతి పశుబుద్ది నైతిని యీవల నాయపచార మిది గావవయ్యా

హరి నీవు ప్రపంచమందు బుట్టించితి మమ్ము పరము నే సాధించేది బలుద్రోహ మవుగాదో
నీరులనేలేటివాడు చెప్పినట్టు సేయక విరసాలు బంట్లకు వేరే సేయదగునా

పంచేద్రియములు నాపై బంపువెట్టితివి నీవు యెంచి వాని నే దండించే దిది నేరమౌగాదో
పెంచేటితల్లిదండ్రులు ప్రియమైవడ్డించగాను కంచము కాలదన్న సంగతియా బిడ్డలకు

మిక్కిలిసంసారము మెడగట్టితివి నాకు అక్కర నే వేసారేది అపరాధ మవుగాదో
దిక్కుల శ్రీవేంకటాద్రిదేవుడ నీవియ్యగాను యెక్కడో జీవుడ నేను యెదురాడదగునా