ఈడ నుండె

ఈడ నుండె నిందాకా నింటిముంగిట ఆడ నెందు బోడుగద అప్పుడే యీకృష్ణుడు

యేడ పూతకి జంపె నింతపిన్నవాడంటా ఆడుకొనే రదే వీధి నందరు గూడి వేడుకతో మనగోవిందుడు గాడుగదా చూడరమ్మ వీడు గడుచుల్లరీడు పాపడు

మరలి యపటివాడె మద్దులు విఱిచెనంటా పరువులు పెట్టేరు పడతులెల్లా కరికరించగ రోల గట్టితే నప్పుడు మా హరి గాడుగదా ఆడనున్న బిడ్డడు

వింతగాక నొకబండి విఱిచె నప్పటినంటా రంతు సేసే రదివో రచ్చలు నిండి అంత యీశ్రీవేంకటేశు డైనమనకృష్ణుడంట యింతేకాక యెవ్వరున్నా రిటువంటిపాపడు