తగుదువమ్మ నీ

తగుదువమ్మ నీ వందపుమరుతండ్రికి మొగిదచ్చి నమృతము మోవి నుంది గాన

కోమలి నీ జవ్వనము కొలదివెట్టగరాదు ప్రేమమున మీద మీద పెరిగీ గాన
ఆమని నీ సింగార మంతైంత అనరాదు వేమారు నీ చూపు వెల్లివిరిసీ గాన

తొయ్యలి నీ వొరపులు తులదూచి చెప్పరాదు నెయ్యపు నీ తురుమిదె నిక్కీ గాన
చయ్యన నీ సొబగులిచ్చుట నియమించరాదు అయ్యన నీ పిరుదునకలవి లేదు గాన

వనిత నీ భావమింక వర్ణించి పలుకరాదు కొన నీ పాదములు చిగురులు గాన
తనరు నీ భాగ్యము తలచ నలవి కాదు ఘనుడు శ్రీవేంకటేశు కలసితివి గాన