తతిగని తతినేల

తతిగని తతినేల తమకించరే మతిలోని నొప్పి గొంత మాన నియ్యరే

పతిబాసి వున్నదాన బలువిరహపు వేళ యితవంటా విరులు నాకేల యిచ్చేరే
రతిరాజు నమ్ములివి రంట దెప్పరపు వెళ కతుకున నాటుజేసు గవిశన నిడరే

కందువ జవ్వనమున గావరించి వున్నవేళ యిందమంటా గందము నాకేల పూసేరే
మంద మారుతాన కవి మచ్చు చల్లే చొక్కుమందు యిందుకేల పెట్టె గట్టి యింటిలోన నిడరే

శ్రీ వేంకటేశువొద్ద సిగ్గుపడి వున్నదాన చేవదేర నిప్పుడేమి సింగారించేరే
యీవల నాతడు గూడె యీసొమ్ము లిన్నియును వేవే లాతడిచ్చినవె వేగిర పడకురే