నీవేమి సేతువయ్య

నీవేమి సేతువయ్య నీవు దయానిధి వందువు భావించలేనివారి పాపమింతే కాని

పరమపద మొసగి పాపమడచేనని చరమశ్లోకమునందు చాటితివి తొలుతనె
నిరతిని భూమిలోన నీవల్ల దప్పులేదు పరగ నమ్మనివారి పాపమింతే కాని

నీపాదములకు నాకు నెయ్యమైన లంకెని యేపున ద్వయార్థమున నియ్యకొంటివి తొలుత
దాపుగా నీవల్ల నింక దప్పులేదు యెంచిచూచి పైపై నమ్మినవారి పాపమింతే కాని

బంతి బురాణములను భక్తసులభుడ నని అంతరాత్మ నీమాట ఆడితివి తొలుతనే
ఇంతట శ్రీవేంకటేశ యేమిసేతువయ్య నీవు పంతాన నమ్మినవారి పాపమింతే కాని