నీవేకా చెప్పజూప

నీవేకా చెప్పజూప నీవె నీవెకా శ్రీవిభుప్రతినిధివి సేనమొదలారి

నీవేకా కట్టెదుర నిలుచుండి హరివద్ద దేవతల గనిపించే దేవుడవు
యేవంక విచ్చేసినాను యిందిరాపతికి నిజసేవకుడవు నీవెకా సేనమొదలారి

పసిడిబద్దలవారు పదిగోట్లు గొలువ దెసల బంపులువంపే ధీరుడవు
వసముగా ముజ్జగాలవారి నిందరిని నీ సిసువులగా నేలిన సేనమొదలారి

దొరలైన యసురుల తుత్తుమురుసేసి జగ మిరువుగా నేలితివేకరాజ్యమై
పరగుసూత్రవతీపతివై వేంకటవిభు సిరులపెన్నిధి నీవే సేసిమొదలారి