దేవ నీవిచ్చేయందుకు

దేవ నీవిచ్చేయందుకు దీనికిగా నింతయేల యేవేళ మాయెరుకలు యెందుకు గొలుపును

యెవ్వరివసములు బుద్దెరిగినడచేమన యివ్వల నారాయణ నీవియ్యక లేదు
దవ్వుచేరువ మనసుతనయిచ్చయితే గనక రవ్వగ మృగాదులెల్ల రాజ్యమేలనేరవా

సారెకు నిన్నుదలపించ జంతువులవసమా కేరి నీవు జిహ్వ బరికించగాగాక
యీరీతి లోకమెల్లా దమయిచ్చకొలదులనయితే దూరాన గొక్కెరలు చదవవా వేదాలు

యిందరిపాపపుణ్యాలు యిన్నియు నీచేతలే కందువ స్వతంత్రులు గారు గాన
చందపుశ్రీవేంకటేశ శరణంటి నిదె నీకు చెంది నీవే కాతువుగా చేతలూను వలెనా