నీకేల భయము

నీకేల భయము నీకునీకే యులికేవు చేకొన్న నీచేతలందు జెరిగున్నావా

చనువు సేసుక ఆపె సారె నీమోము చూచితే చెనక జాలక యేల సిగ్గుపడేవు
కనుగొనబోతే నందు కళలింతే వుండేనవి వెనుకొని కాంతలెల్లా వేలుకాడేరా

మచ్చిక చేసుక ఆపెమాటలు నిన్నాడించితే కొచ్చికొచ్చి నీవేల కొంక జూచేవు
కచ్చుపెట్టి తోచేవి కల్లనిజములేకాక అచ్చమై పొందిన సతులంటుకున్నారా

చుట్టముసేసుక యింతి సొరిది నిన్నుగూడితే యిట్టె శ్రీ వేంకటేశ నీవేల మొక్కేవు
గుట్టునను కొనగోళ్ళ గురుతులుండీ గాక ముట్టిన కాంతలు మేన మూగుకున్నారా