నీ వేలికవు

నీ వేలికవు మాకు నీదాసులము నేము ఆవల నితరుల నే మడుగబొయ్యేమా

పసురమై వుండి యిచ్చీ బక్కన గామధేనువు యెసగి మానైవుండి యిచ్చీ గల్పవృక్షము
వెస రాయైవుండి యిచ్చీ వేడుక చింతామణి మసలనిశ్రీపతివి మాకు నిచ్చే టరుదా

గాలి యావటించి యిచ్చీ గారుమేఘము మింట వీలి జీర్ణమై యిచ్చీ విక్రమార్కునిబొంత
కాలినపెంచై వుండి కప్పెర దివ్యాన్నమిచ్చీ మైలలేనిశ్రీపతివి మాకు నిచ్చే దరుదా

అండనే కామధేనువ వాశ్రితచింతామణివి పండినకల్పకమవు భక్తులకెల్లా
నిండిన శ్రీవేంకటేశ నీవు మమ్ము నేలితివి దండిగా నమ్మితే నీవు దయజూచు టరుదా