దేవదేవు డెక్కెనదె దివ్యరథము మావంటివారికెల్ల మనోరథము
జగతి బాలులకై జలధులు వేరజేసి పగటున దోలెనదె పైడిరథము
మిగులగ గోపగించి మెరయురావణమీద తెగ యెక్కి తోలెనదె దేవేంద్రరథము
దిక్కులు సాధించి సీతాదేవితో నయోధ్యకు బక్కన మరలిచె బుష్పరథము
నిక్కి నరకాసురునిపై నింగిమోవ నెక్కి తోలె వెక్కసపు రెక్కలతో విష్ణురథము
బలిమి రుక్మిణి దెచ్చి పరులగెలిచి యెక్కె అలయేగుబెండ్లి కల్యాణరథము
యెలమి శ్రీవేంకటాద్రి నలమేలుమంగ గూడి కలకాలమును వేగె ఘనమైనరథము
No comments:
Post a Comment