పరమ యోగీశ్వరుల

పరమ యోగీశ్వరుల పద్ధతియిది ధరణిలో వివేకులు దలపోసుకొనుట

మొదలనాత్మ ఙ్ణానము దెలిసి పిమ్మట హృదయములోని హరినెరుగుట
వుదుటైన యింద్రియాల నొడిసి వంచుకొనుట గుదిగొన్న తనలో కోరికలుడుగుట

తన పుణ్యఫలములు దైవముకొసగుట పనివడి యతనిపై భక్తి చేసుట
తనివితో నిరంతర ధ్యాన యోగపరుడౌట మనసుతో ప్రకృతి సంబంధము మరచుట

నడమ నడమ విఙ్ణానపు కథలు వినుట చిడిముడినాచార్య సేవసేయుట
యెడయక శ్రీ వేంకటేశుపై భారమువేసి కడు వైష్ణవుల కృప గలిగి సుఖించుట