పట్టినచోనే వెదకి భావించవలెగాని గట్టిగా నంతర్యామి కరుణించును
యింటిలోనిచీకటే యిట్టే తప్పకచూచితే వెంటనే కొంతవడికి వెలుగిచ్చును
అంటి కానరాని తనయాతుమ తప్పకచూచు కొంటే దనయాతుమయు గొబ్బున గాన్పించును
మించి కఠినపురాతిమీద గడప వెట్టితే అంచెల దానే కుదురైనయట్టు
పొంచి హరినామమే యేపొద్దు నాలికతుదను యెంచి తలచదలచ నిరవౌ సుజ్ఞానము
వొక్కొక్కయడుగే వొగి ముందర బెట్టితే యెక్కువై కొండైనా నెక్కు గొనకు
యిక్కువ శ్రీవేంకటేశు నిటు దినదినమును పక్కన గొలిచితే బ్రహ్మపట్ట మెక్కును
No comments:
Post a Comment