పటుశిష్టప్రతిపాలకుడ వనగ ఘటన నఖిలమును గాతువుగా
తుత్తుమురుగ దైత్యుల దనుజుల నని మొత్తిమోది చలమున జెలగి
జొత్తుపాపలుగ సొరిది విరోధుల నెత్తురు వడుతువు నీవేకా
తళతళమెరుచు సుదర్శనాయుధం బలరుచు నొకచే నమరగను
బలుదైత్యులదొబ్బలు బేగులు నని నిలువున జెండుదు నీవేకా
దిట్టవు సూత్రవతీపతి వసురల జట్టలు చీరగ జతురుడవు
రట్టడి వేంకటరమణుని వాకిట పట్టపుసేనాపతివటకా
No comments:
Post a Comment