పట్టము గట్టితివింక

పట్టము గట్టితివింక బ్రతుకరయ్యా చిట్టకాలు లేవు మీకు శ్రీ వేంకటేశుడా

అలమేలు మంగకు సింహాసనము నీవురము కలిత హారములే సింగారపు దండలు
తొలుత నీహస్తములే తోరణ గంభములు చెలి రాజ్యమే నీవు శ్రీ వేంకటేశుడా

పరగు తులసీదండ పచ్చ తోరణమాపెకు మెరుగు గౌస్తుభమణి మించుటద్దము
గరిమ నీసొబగులు కప్పములు గానికలు సిరులు నీ కూరిమలు శ్రీ వేంకటేశుడా

సంతతమైన విందులు సారె నీమోవి తేనెలు వింత రతి భోగములు వినోదాలు
కొంత నియ్యారును బొడ్డు కుంచెయు గాళాణి చెంతలనన్నీ నమరె శ్రీ వేంకటేశుడా