పరమాత్మ నిన్నుగొల్చి బ్రతికేము విరసపు జాలివెత బడనోపము
మగడు విడిచినా మామ విడువని యట్లు నిది నా మనసు రోసినా లోకులు మానరు
తగిలేరు పొగిలేరు దైన్యమే చూపేరు మొగమోటాలను నేను మోసపోవ నోపను
పొసగ దేవుడిచ్చినా పూజారి వరమీడు విసిగినే విడిచినా విడువరు వీరేలోకులు
కొసరేరు ముసరేరు కోరిక దీర్చుమనేరు పసలేని పనులకు బడలనే నోపను
నుడుగుట దప్పినా నోము ఫల మిచ్చినట్లు కడగి వేడుకొన్నాగానిమ్మనరు లోకులు
తడవేరు తగిలేరు తామె శ్రీ వేంకటేశ బుడి బుడి సంగతాలయబొరల నే నోపను
No comments:
Post a Comment