బయలు పందిలి వెట్టి పరగ జిత్తము గలిగె దయమాలి తిరుగ నాత్మ డొక్కడు గలిగె
కనుచూపు వలన నుడుగని కోరికలు గలిగె తనుకాంక్ష వలన బరితాపంబు గలిగె
అనుభవమువలన మోహాంధకారము గలిగె తనివిదీరమి వలన తలపోత గలిగె
అడియాసవలన పాయనిచలంబును గలిగె కడుమమత వలన చీకటి దవ్వ గలిగె
కడలేని తమకమున గాతాళమును గలిగె నడుమ నంతటికి మాననిప్రేమ గలిగె
తరితీపువలన చిత్తభ్రాంతి తగ గలిగె విరహంబువలన పురవేదనలు గలిగె
తిరువేంకటాచలాధిపుని కరుణామృతము పరిపూర్ణమైన యాపద నీద గలిగె
No comments:
Post a Comment